“Sumqayıt Şəhər İcra Hakimiyyəti Ukraynaya humanitar yardım göndərib. Ukraynaya dəstək təqdirəlayiqdir. Sadəcə, yerli icra hakimiyyəti kimdir ki, harasa humanitar yardım göndərir?!”
Bunu ekspert Əkrəm Həsənov bildirib.

“Bələdiyyədir məgər? O, adi dövlət orqanıdır! Öz əmlakı da yoxdur. Sırf dövlət əmlakıdır. Onun büdcəsində humanitar yardım maddəsi var? Dövlət adından humanitar yardım etmək yerli icra hakimiyyətinəmi qalıb? Dövlət niyə xaricə yardım üçün yerli icra hakimiyyətinə pul ayırsın axı? Özü mərkəzləşdirilmiş şəkildə edər də bunu! Yox, əgər yardımı əslində Sumqayıt əhalisi və sahibkarları edibsə, onda niyə Sumqayıt Şəhər İcra Hakimiyyəti bunu öz adına yazır? Tam savadsızlıq və özbaşınalıqdır!” – Ə.Həsənov qeyd edib.