Naxçıvanın məxvi telefon rabitəsi var – “NaxTel” Nömrəsi 060-la başlayır. Beynəlxalq çıxışı olmayan rabitə xidmətidir. İşə bax ki, Naxçıvanda çox adam bu “NaxTel”in nömrələrindən istifadə edir.
Muxtar Respublikada yoxlamalar başlayanda “Xan” sarayından bütün dövlət məmurlarına təxirəsalınmaz göstərişlər verilmişdi: Yoxlamalar bitənədək hər kəs 060-la danışsın.
Görünür, “NaxTel”in beynəlxalq çıxışı olmadığından onun paytaxt tərəfindən izlənilməsinin mümkünsüzlüyünə inanırdılar.
“Qara Pişik”dən aldığımız məlumata görə, müfəttişlər bu gün “NaxTel”in mərkəzi ofisinə təşrif buyurublar.
Qurumu təpədən dırnağa yoxlamağa qərar veriblər. Görünür, bundan sonra paytaxtın qulağından kənarda məxfi danışıqlara son qoyulacaq.
Heydər Oğuz
Teref.az