Yaxın vaxtlarda "Azəriqaz" İstehsalat Birliyinin sabiq baş direktoru Ruslan Əliyevin "Azərenerji" Açıq Səhmdar Cəmiyyətinin prezidenti təyin olunması gözlənilir.
Bu barədə “32gun.az”-a qurumdakı mənbədən məlumat daxil olub.
Məlumatda iddia olunur ki, sentyabrın 1-də keçiriləcək parlament seçkilərindən sonra Balababa Rzayev "Azərenerji" ASC-nin prezidenti vəzifəsindən azad olunacaq. Onun yerinə isə daha gənc və energetika sahəsində ixtisaslı kadr olan Ruslan Əliyev gətiriləcək.
Qeyd edək ki, Ruslan Əliyev hazırda "Azərenerji" ASC-nin prezidenti Balababa Rzayevin müşaviri vəzifəsində çalışır.
Məsələ ilə bağlı "Azərenerji" ASC-yə sorğu ünvanlasaq da cavab ala bilmədik.