Ümumi bazar dəyəri 14 trilyon dollardan çox olan “Möhtəşəm 7″li adlanan “Apple”, “Alphabet”, “Amazon”, “Meta Platforms”, “Microsoft”, “Nvidia” və “Tesla” şirkətlərinin səhmləri satış təzyiqinə məruz qalıb.

İndex.az xəbər verir ki, “Apple”in bazar dəyəri 178 milyard dollar azalaraq 3 trilyon 164 milyard dollara düşərkən, “Microsoft”un bazar dəyəri 96 milyard dollar zərərlə 2 trilyon 940 milyard dollara düşüb.

“Alphabet”in bazar dəyəri 74 milyard dollar azalaraq 1 trilyon 999 milyard dollara, “Amazon”un bazar dəyəri 87 milyard dollar azalaraq 1 trilyon 674 milyard dollara, “Meta”nın bazar dəyəri isə 41 milyard dollar azalaraq 1 trilyon 194 milyard dollara düşüb.

Süni intellektdəki inkişaflara görə son zamanlar diqqət çəkən şirkətlərdən biri olan “Nvidia”nın bazar dəyəri 191 milyard dollarla ən böyük itkini yaşayaraq 2 trilyon 448 milyard dollara enərkən, “Tesla”nın bazar dəyəri isə 20 milyard dollar azalıb.

Beləliklə, “Möhtəşəm 7″li adlanan şirkətlərin ümumi bazar dəyəri itkisi 688 milyard dollar səviyyəsində olub.