Yapon fond bazarı 5 avqustda müşahidə olunan 1987-ci ildən bəri ən böyük çöküşü tam bərpa edib.

Bu barədə "Bloomberg" xəbər yayıb.

Bildirilib ki, "Nikkei 225" indeksi çərşənbə axşamı, 13 avqustda səhmlərin düşməsindən əvvəl müşahidə olunan səviyyələrə qədər yüksəlib.

Agentliyin qiymətləndirməsinə görə, kəskin artıma həm yenin zəifləməsi, həm də panik satışlara məruz qalan şirkətlərin vəziyyətinin daha obyektiv qiymətləndirilməsi təsir göstərib.

Bununla belə, "Nikkei 225" və "Topix" indeksləri hələ də iyulun sonuna nisbətən 8 faiz aşağıdır və iyunda qeydə alınan tarixi maksimumlardan 13 faiz geri qalır.