Tələbələrin universitetlərə qeydiyyatı prosesində paralel qeydiyyat aparan və kağız formada sənədlər toplayan univetsitetlərlə bağlı durum necədir ?
Ötən gün bəzi universitetlərlə bağlı vəziyyəti təqdim etmişdik.
Paralel qeydiyyat aparmayan və kağız formada sənəd toplamayanlarla yanaşı tələbələrdən müxtəlif tip sənədlər tələb edənlər də vardı.
Bəzi universitetlər isə hətta müxtəlif sənədlərin siyahısını dərc edərək bunun portal.edu.az sisteminə yüklənməsinin vacibliyini qeyd ediblər.
Bununla bağlı davam etdirdiyimiz monitorinqlər onu göstərir ki, bəzi universitetlər artıq elanlarındakı paralel qeydiyyat və kağız sənədlərin də toplanması ilə bağlı məqamları siliblər.
Elanlarda doğru olaraq qeydiyyatın YALNIZ portal.edu.az rəqəmsal platforması üzərindən aparılması qeyd edilib.
Xatırladırıq ki, ETN və İRİA cari dərs ilindən başlayaraq tələbə qeydiyyatının yalnız portal.edu.az üzərindən aparılacağını, heç bir paralel qeydiyyatın və kağız formada sənəd toplanmasına ehtiyac olmadığını bildiriblər.
Universitetlər tələbələrlə bağlı bütün məlumatları və sənədləri tələbələrdən deyil, APİ servislərlə ETN sistemi vasitəsilə alırlar.
Tələbələr isə portala HEÇ BİR SƏNƏD yükləmirlər, sistemə daxil olaraq yalnız oradakı sənədləri təsdiqləyirlər.
Bununla bağlı monitorinqimizin son nəticələri gələn həftənin əvvəli açıqlanacaq.
Osman Gunduz
TEREF