Rəqəmsal İnkişaf və Nəqliyyat Nazirliyinin tabeliyində olan “Azerbaijan İnternational Telecom (AzInTelekom)” MMC daha bir tender elan edib.

Tender hökumət buludu layihəsi çərçivəsində mövcud şəbəkənin genişləndirilməsi məqsədilə avadanlıqların satın alınması ilə bağlıdır.

“AzInTelekom” satınalmanın 13 milyon manata başa gələcəyini ehtimal edir. Buna baxmayaraq, alınması nəzərdə tutulan avadanlıqların adı göstərilməyib.

Bu gün elan olunan tender üzrə təkliflərin son təqdim olunma və zərflərin açılış tarixi oktyabrın 14-ü müəyyənləşib.

Qeyd: MMC-nin İdarə Heyətinin sədri Elxan Əzizovdur. O, 2022-ci ilin əvvəlindən bu vəzifədədir.



İqtisadiyyat.az