"Şahdəniz" və AÇG yataqlarından 460 mlrd. kubmetr qaz hasil edilib - Energetika Nazirliyi
Bu gün, 08:40
Bu yataqlarının istifadəyə verilməsindən ötən il noyabrın 1-dək müvafiq olaraq 214,1 və 204,6 milyard kubmetr qaz hasil edilib.
BAKI, 18 noyabr — Sputnik. Azərbaycan "Azəri-Çıraq-Günəşli" (AÇG) və "Şahdəniz" yataqlarının istifadəyə verilməsindən bəri təxminən 460 milyard kubmetr qaz hasil edib. Bu barədə Azərbaycan Energetika Nazirliyinin mətbuat xidmətindən bildirilib.
"Azəri-Çıraq-Günəşli (AÇG) və "Şahdəniz" yataqlarının istifadəyə verildiyi vaxtdan 2024-cü il noyabrın 1-nə olan dövr ərzində yataqlardan 459,2 milyard kubmetr qaz hasil edilib. Qeyd edilən dövrdə "Azəri-Çıraq-Günəşli" yatağından 227,3 milyard kubmetr, "Şahdəniz"dən isə 231,9 milyard kubmetr qaz çıxarılıb. Bu müddət ərzində həmin yataqlardan 644,7 milyon ton neft və 165,8 milyard kubmetr qaz ixrac edilib", - məlumatda deyilir.
"Şahdəniz" və AÇG yataqlarının istifadəyə verilməsindən ötən il noyabrın 1-dək müvafiq olaraq 214,1 və 204,6 milyard kubmetr qaz hasil edilib.
"Şahdəniz" perspektiv sahəsinin kəşfiyyatı, işlənməsi və hasilatın pay bölgüsü haqqında saziş 1996-cı il iyunun 4-də imzalanıb və ratifikasiya edilib. Layihədə BP (operator - 28,8%), AzSD (10%), SGC Upstream (6,7%), Petronas (15,5%), "Lukoil" (10%), NICO (10%) və TPAO (19%) şirkətləri iştirak edir.
