Ötən il Rusiyanın "KamAZ" şirkətinin xalis mənfəəti beynəlxalq maliyyə hesabatı standartlarına (BMHS) əsasən 731 milyon rubl təşkil edib.
İqtisadiyyat.az xəbər verir ki, bu barədə istehsalçının mətbuat xidməti məlumat verib.

2023-cü ildə isə "KamAZ"ın xalis mənfəəti 20,4 milyard rubl olub. Bu, göstəricinin 28 dəfə aşağı düşdüyünü göstərir.

Şirkət nümayəndələri bildiriblər ki, xalis mənfəətin azalmasına əsasən faiz xərclərinin artması – borcların dəyərinin yüksəlməsi və mənfəət vergisi üzrə yeni 25%-lik vergi dərəcəsinə uyğun hesablamalar səbəb olub.

Bununla belə, "KamAZ"ın illik gəliri hesabat dövründə 6,3% artaraq 393,7 milyard rubla çatıb. 2023-cü ildə bu rəqəm 370,3 milyard rubl idi.

2024-cü ilin yekunlarına görə, "KamAZ"ın xalis zərərinin 3,4 milyard rubla çatdığı bildirilmişdi.

Hesabat dövründə şirkətin gəliri 8,8% azalaraq 323,4 milyard rubla düşüb. Eyni zamanda, ümumi mənfəət 1,4 dəfə azalaraq 24,2 milyard rubl təşkil edib. Satışdan əldə olunan mənfəət isə 2023-cü ildəki 14,3 milyard rublla müqayisədə 909,4 milyon rubla enib.