“ABC-Telecom” Məhdud Məsuliyyətli Cəmiyyətinə (MMC) qarşı vergi nəzarəti çərçivəsində maliyyə sanksiyası tətbiq olunub.

32gun.az-ın əldə etdiyi məlumata görə, şirkətə Əhali ilə pul hesablaşmalarının aparılması qaydalarına riayət olunmaması səbəbilə 1000 manat məbləğində cərimə kəsilib. Bu qərar Operativ vergi nəzarəti nəticəsində tərtib edilən AKT əsasında verilib.

Qeyd edək ki, “ABC-Telecom” MMC “Kontakt Home” əmtəə nişanı altında fəaliyyət göstərir. Şirkət 2006-cı ildə dövlət qeydiyyatına alınıb və onun nizamnamə kapitalı 10 000 AZN təşkil edir. Hazırda MMC-nin qanuni təmsilçisi Həsən İsrafilzadə Fazil oğludur.

Xatırladaq ki, “ABC-Telecom” MMC-yə 2020-ci ilə qədər sabiq millət vəkili Elnur Allahverdiyev rəhbərlik edib. Mətbuatda yer alan məlumatlara görə, o, bu şirkətin sahiblərindən biri kimi də göstərilir.