Çörəyin üst qabığı bir çox insan üçün daha dadlı görünür. Foodinfo.az bildirir ki, bu hissə bişmə prosesində karamelizə olur və fərqli tekstura qazanır. Lakin yüksək temperaturda bişmiş qabıqda akrilamid adlı maddənin yaranması mümkündür.Bu maddə xərçənglə əlaqələndirilən kimyəvi birləşmələrdən sayılır. Xüsusilə çox qızarmış və yanıq görünüşlü qabıqlar risk daşıyır. Bununla yanaşı, qabıqda B vitamini və lif miqdarı daha çox olur. Akrilamid miqdarını azaltmaq üçün çörəyin normadan artıq bişirilməməsi tövsiyə edilir.Eyni zamanda sənaye üsulu ilə hazırlanan çörəklərdə bu risk daha yüksək ola bilər. Ev şəraitində və təbii məhsullarla bişirilmiş çörəklərdə bu təhlükə nisbətən azdır. Beləliklə, çörəyin qabığını yemək olar, amma onun bişirilmə üsulu və görünüşü nəzərə alınmalıdır.