Bu gün Azərbaycanda ən yüksək məvacibli işlər bank işi, energetika və sığorta sahələrindədir.

Metbuat.az bildirir ki, ölkəmizdəki xarici şirkətlər adətən işçilərinə verdikləri maaşı gizli saxlayırlar. Lakin bəzi məlumatlara görə orada işçilər ayda 20 min manatdan 60 min manatadək maaş alırlar. SOCAR-da isə əməkhaqqı 2 min manata çatır, bununla belə, bu şirkətdə mükafatlandırma sistemi də fəaliyyət göstərir.

Yayılan məlumata görə bir müddət əvvəl Azərbaycanda maaşı 12 min manat təşkil edən bankın İdarə Heyəti sədrinin müavini vakansiyası açılıb.

Qeyd edək ki, yaxşı vəzifədə işləmək üçün insanın həmin sahədə iş təcrübəsi, əvvəlki iş yerindən müsbət xarakteristikası olmalı, özünü apara bilməli, ünsiyyətcil, təhsilli və s. olmalıdır.