Yanvar-aprel aylarında Azərbaycanda qiymətlər əvvəlki ilin eyni dövründəkindən 13,5 faiz yüksək olub. Bu göstərici son 15 ayda yalnız 2016-cı ilin yanvarından (13,6 faiz) aşağıdır.

Dövr ərzində ərzaq 17,8 faiz, qeyri-ərzaq məhsulları 12,5 faiz, əhaliyə göstərilən xidmətlər isə 8,7 faiz bahalaşıb.

Buna da bax:​ EBRD: 'Bu il Azərbaycan iqtisadiyyatı 0.5 faiz kiçiləcək'

Dövlət Statistika Komitəsindən AzadlıqRadiosu-na bildiriblər ki, apreldə mart ayına nəzərən inflyasiya 0,2 faiz qalxıb. Ərzağın qiyməti orta hesabla 0,4 faiz, qeyri-ərzaq malları 0,2 faiz qalxıb. Ay ərzində xidmətlərin qiyməti dəyişməz qalıb.

Hökumət bu il birrəqəmli inflyasiyanı hədəfləyib. Bu məqsədlə Mərkəzi Bank dövriyyədə olan manat kütləsini məhdudlaşdırıb.