Erməni işğalçıları Dağlıq Qarabağ müharibəsi zamanı Azərbaycana qarşı ən böyük qətliam törətdikləri Xocalıda 3 il öncə tikintisinə başladıqları 250 nəfərlik şadlıq sarayını 2018-ci ildə istifadəyə verməyi planlaşdırırlar.

Moderator.az yazır ki, bu haqda Xankəndində qondarılmış separatçı rejimin “şəhərsalma naziri” kimi təqdim olunan Karen Şaxramanyan “hökumət iclası”nda məlumat verib.

O bildirib ki, separatçı rejim və “Hayastan” ümumerməni fondunun birgə maliyyəsi hesabına Əsgəran rayonunun “İvanyan”(işğalçılar Xocalını belə adlandırırlar), “Xndzrıstan”, “Krasni” adlanan kəndlərində və Ağdərənin “Getavan” adlanan kəndində tikilməkdə olan şadlıq sarayları bu il istifadəyə veriləcək.

Bundan başqa Talış kəndində məktəb, uşaq bağçası, məişət evi, Kəlbəcər rayonunun Çərəktar və Xocavəndin “Xtsabert” adlanan bir kəndində də məktəb tikintisinin başa çatdırılacağı planlaşdırılır.