Tanınmış şoumen Qorxmaz Əlili qaçqınların ünvanına xoşgəlməz ifadələr işlədib.

BAKU.WS məlumat verir ki, şoumen şəxsi Facebook hesabında Şirməmməd Huseynovun çıxışı olan videonu paylaşaraq qaçqınların ünvanına xoşagəlməz sözlər yazıb:

"Dilinə qurban, de, danış. Qaçqınlara Bakı lazım idi, ona da nail oldular. Hökümət lazım idi, ona da nail oldular. Var-dövlət lazım idi, onu da aldılar. 20 faiz əsil qaçqınlıq həyatı sürdülər, o da reklama görə. Xaricdən gələn qonaqlara göstərmək üçün, yardım puku almaq üçün. Aldılar, pulun dalına keçdilər, indi bizi bəyənmirlər".

Onu da qeyd edək ki, tanınmış şoumenin "qaçqınlar" deyərkən kimləri, Ermənistandan didərgin düşənləri, yoxsa Qarabağdan məcburən köçkün olanları nəzərdə tutduğu bilinmir. Amma şoumen bilməlidir ki, hər halda, heç kəs kefindən qaçqın-köçkün olmaq istəməz.