Vaxtilə əfsanəvi Maykl Ceksonun və məşhur Uitni Hyustonun bek-vokalçısı olmuş Delli Mayzl yeni mahnısını Azərbaycanın Vətən müharibəsindəki qələbəsinə həsr edib.

“Many years ago” (Uzun illər öncə) adlı musiqi parçasının müəllifi türkiyəli bəstəkar Turqay Evrendir.

İfaçı İTV-yə verdiyi müsahibəsində hazırda Türkiyədə yaşadığını və işlədiyini, Vətən müharibəsinin gedişini izlədiyini bildirib.

D.Maylz musiqili kompozisiyanın yaxın günlərdə ictimaiyyətə təqdim olunacağını da qeyd edib.

“Mən bu mahnını Azərbaycanın qələbəsinə həsr etmişəm. Əminəm ki, onu eşidənlər 30 il ərzində nələrin baş verdiyini anlayacaqlar”, - deyə vokalçı vurğulayıb.

Məlumat üçün bildirək ki, populyar caz ifaçısı kimi də tanınan D.Maylz 2019-cu ildə islamı qəbul edib.