Əfsanəvi ABBA qrupu İsveç hökuməti tərəfindən mükafatlandırılıb.

Kollektiv “musiqi ixracı” mükafatına layiq görülüb.

Hökumət Aparatının çərşənbə günü yaydığı press-relizdə deyilir ki, mükafat 1997-ci ildən başlayaraq əvvəlki il ərzində İsveç musiqisinin dünyaya çatdırılması və ölkənin beynəlxalq aləmdə müsbət imicinin formalaşmasına töhfə vermiş sənətçilərə verilir.

“ABBA 50 ildir ki, İsveç musiqisini ümumdünya miqyasında uğurla təmsil edir. 40 illik fasilədən sonra səhnəyə qayıda bilmək tamamilə unikal və inanılmaz nailiyyətdir”, - deyə xarici ticarət naziri Anna Hallberq bildirib.

Qeyd edək ki, qrupun 40 ildən sonra ilk albomu olan “Voyage” 5 noyabr 2021-ci ildə işıq üzü görüb.

Mənbə: TASS