İngiltərə paytaxtında ənənəvi Karib mədəniyyəti festivalı zamanı bir neçə bıçaqlı hücum olub.

Bu barədə Skotland Yard xəbər verib.

İngiltərə polisi hücumlarda neçə nəfərin yaralandığını dəqiqləşdirməyib. Ancaq yerli KİV-də verilən məlumata görə, bir nəfər həlak olub.

Qeyd edilir ki, Londonun şimal-qərbindəki Nottinq-Hill bölgəsində Karib mədəniyyətinin ənənəvi karnavalı 1964-cü ildən keçirilir. Tədbir mütəmadi olaraq dava və həbslərlə müşayiət olunur.

Bu il polis əməkdaşlarının 70-dən çox həbs həyata keçirdikləri bildirilir.






Mənbə: Daily Mail