Türkiyəli pop-ulduz Sertab Erener yenidən “Avroviziya” səhnəsində çıxış edib.

“Qafqazinfo” xəbər verir ki, sənətçi Malmö şəhərində baş tutan ikinci yarımfinalda xüsusi qonaq qismində səhnə alıb.

Erener ona 2003-cü ildə “Avroviziya”da qalibiyyət gətirmiş “Everyway That I Can” mahnısını ifa edib.

Xatırladaq ki, 2012-ci il dekabrın 14-də TRT telekanalı Türkiyənin “Avroviziya” müsabiqəsindən çıxdığını rəsmi şəkildə bəyan edib. Əsas səbəb mövcud səsvermə sistemi və “Böyük beşlik” ölkələrinin statusundan narazılıq olub. 2013-cü ildən ölkə yarışmada iştirak etmir.