"Qladiator 2" filminin premyerasından sonra Pol Meskal və Ridli Skott yenidən birlikdə çalışacaqlar.

Bu barədə "Deadline" məlumat yayıb.

Məlumata görə, onların gələcək layihəsi yazıçı Peter Hellerin "The Dog Stars" kitabı əsasında çəkilən film olacaq.

Qeyd olunur ki, Skot qarşıdan gələn filmə rejissorluq edəcək, Meskal isə əsas rollardan birini canlandıracaq.

Roman bəşəriyyəti bürüyən pandemiyadan sonra ABŞ-də sağ qalmağa çalışan pilot Hiqanın hekayəsindən bəhs edir. Qəhrəman öz kiçik təyyarəsində yanacağa qənaət etmək üçün yalnız qısa səfərlərə çıxır, lakin bir gün gözlənilmədən başqa bir adamdan siqnal eşidir və böyük səyahətə çıxmaq qərarına gəlir.

Filmin çəkilişlərinə 2025-ci ilin yazında başlanacaq. Tam aktyor heyəti, vaxtı və premyera tarixi hələ açıqlanmayıb.