Hollivud aktyoru Leonardo Di Kaprio kəskin arıqlama prosedurundan sonra ictimaiyyət qarşısına çıxıb.

Oxu.Az-ın xəbər verir ki, bu barədə fotoları "Daily Mail" paylaşıb.

Paparatsiyalar Leonardo Di Kaprionu supermodel Vittoria Çeretti ilə İbizada istirahət edərkən görüntüləyiblər.

Aktyor sevgilisi və dostları ilə İspaniyanın sahil restoranı "Casa Jondal"dan çıxarkən obyektivlərə tuş gəlib.

Jurnalistlər Leonardo Di Kaprionun kəskin arıqlamasına diqqət çəkiblər.

Sosial şəbəkə istifadəçiləri aktyorun görünüşündən heyrətə düşdüklərini etiraf ediblər. Bəziləri isə onun ikinci tip şəkərli diabet müalicəsi üçün təyin edilən "Ozempic"dən istifadə etdiyi barədə düşüncələrini bölüşüblər.

Qeyd edək ki, bu preparatın inyeksiyaları bir çox məşhurlara artıq kilolardan tez xilas olmağa kömək edib.