ABŞ məhkəməsi "Altıncı hiss" filmi ilə məşhur olan aktyor Heyl Coel Osmentə psixoterapevtə müraciət etməyi və anonim alkoqoliklər klubuna yazılmağı tapşırıb.
Bu barədə "People" jurnalı məlumat yayıb.

Məhkəmənin qərarına əsasən, Osment qarşıdakı altı ay ərzində həftədə ən azı üç dəfə anonim alkoqoliklər klubunun toplantılarında iştirak etməli olacaq. Bundan əlavə, o, həftədə ən azı iki dəfə psixoterapevtlə görüşməli və qanunlara əməl etməlidir.

Əgər Osment məhkəmənin qərarına əməl edərsə, ona qarşı irəli sürülmüş ittihamlar götürülə bilər. Bu məsələ ilə bağlı növbəti məhkəmə iclası 2026-cı ilin yanvar ayına təyin edilib.

Xatırladaq ki, kino ulduzu aprel ayında Kaliforniya ştatında içkili vəziyyətdə saxlanılıb. Onun üzərindən narkotik vasitə də aşkarlanıb.