Tanınmış yazıçı və aparıcı Orxan Fikrətoğlu yeni tele mövsümdən “Space” tv-də fəaliyyətə başladı. Qısa müddətdə geniş auditoriya toplamağı bacaran "Gecə düşüncələri" layihəsinin müəllifi Orxan Fikrətoğlu “Space” tv-də fəaliyyət göstərməsinin səbəblərini belə açıqlayıb:”“Space”tv-dən qabaq kanalın prezidenti Vaqif Mustafayevi tanıyırdımvə onunla birgə işləməyə gəlmişəm:”Elə bil ki min ildir burdayam.Rəhbərlikdən tutmuş sıravi işçilərə qədər hamı hörmətimi saxlayır”. Orxan Fikrətoğlu həmçinin reytinq probleminə də toxunub:”Mənim layihələrimə baxan milli azlıq Üzeyir Hacıbəyovun ilk operası zamanı zalda oturan on iki nəfərin övladlarıdır.Onu da unutmayın ki,bizi millət edən də həmin o on iki adamın düşüncəsidir.O adamlar az olduğu üçün reytinqə təsir edə bilmirlər.Yəqin ki mənə o adamlar baxacaq. Mən onlar üçün işləyirəm”.