Xəbər verdiyimiz kimi, müğənni Günay İbrahimlinin həbs xəbəri yayılıb.

BiG.AZ məsələ ilə bağlı xanım ifaçı ilə əlaqə saxlayıb. G.İbrahimlinin mətbuat katibi bildirib ki, yayılan xəbərlər həqiqəti əks etdirmir:

"Günay xanım hazırda Azərbaycanda deyil, Türkiyəyə gedib. Yalnız onu deyə bilərik ki, həbs xəbəri yalandır".

Qeyd edək ki, criminal.az saytının məlumatına görə, müğənni və anası bir neçə dəfə Daxili İşlər Nazirliyinin Baş mütəşəkkil Cinayətkarlıqla Mübarizə İdarəsinə (BMCMİ) çağırılıb.

İş adamı Nuriyyə Əhmədova ''Bandotdel''ə yazdığı şikayət ərizəsində göstərib ki, G.İbrahimlinin klip çəkilməsi, yeni mahnıları, telekallarda reklamı üçün 300 min manata qədər pul xərcləyib. Lakin müğənni həmin məbləği geri qaytarmayıb.

Günay izahatında N.Əhmədovaya 17 min, anası isə 20 min manat borclu olmaları ilə bağlı ziddiyətli ifadələr veriblər.