Özbəkistanda baş vermiş qəzada 4 nəfər həlak oldu
30-12-2018, 20:22
Özbəkistanın Qaraqalpaqstan Respublikasının Xujayliy rayonunda avtomobil qəzası nəticəsində dörd nəfər həyatını itirib.
“Neksi-3” minik maşınının sürücüsü idarəetməni itirib və maşın yolun kənarındakı beton səddə çırpılaraq yanıb.
Ölənlər arasında Qaraqalpaqstanın mənzil-kommunal nazirinin müavini də var.
Hadisə ilə bağlı cinayət işi açılıb, istintaq aparılır. (AzərTAc)
