“ABŞ Türkiyəni F-35 hazırlıq proqramından çıxarsa, Ankara Rusiya qırıcılarına üz tutacaq”.

Publika.az xəbər verir ki, bu iddia ilə “Defense News” nəşri çıxış edib.

Məsələ ilə bağlı Türkiyənin hərbi səlahiyyətli nümayəndələri nəşrə verilən müsahibədə danışıblar. Onlar texnoloji, iqtisadi və siyasi səbəblərdən F-35-lərin alternativləri haqqında danışmaq imkanlarının olmadığını vurğulayıblar.

Qeyd edək ki, ABŞ Müdafiə Nazirliyi (Pentaqon) aprelin əvvəlində Türkiyənin Rusiyadan S-400 havadan müdafiə sistemi almasını əsas gətirərək F-35 qırıcılarının istehsalı proqramındakı fəaliyyətlərini dondurduğunu açıqlamışdı.