Liviyaya hərbi qüvvə göndərilməsi məsələsinin müzkirə edilməsi üçün Türkiyə parlamentinin növbədənkənar iclası çağırılacaq.

Teleqraf.com xəbər verir ki, iclasın gələn həftə baş tutacağı bildirilib.

Məlumata görə, məsələ ilə əlaqədar hazırlanmış qanun layihəsi qəbul ediləcəyi halda, ilkin mərhələdə Liviyaya hava hücumundan müdafiə sistemləri göndəriləcək.

Hakim Ədalət və İnkişaf Partiyasının (AKP) parlamentdəki fraksiya rəhbəri Naci Boctancı bildirib ki, sözügedən qanun layihəsi sabah parlamentə təqdim edilə bilər.

Yanvarın 2-də isə parlamentin təcili iclasının baş tutacağlı ehtimal olunur. Parlamentin iclasının yanvarın 7-də keçiriləcəyi gözlənilirdi.