İdlib səmasında Suriya və Türkiyə bir-birinin 9 təyyarə və PUA-sını vuraraq salıblar
İdlib və Hələb əyalətləri səmasında Türkiyə və Suriya Orduları arasında gedən qarşıdurma zamanı tərəflər bir-birinin 9 hərbi və pilotsuz təyyarələrini vurublar.

SalamNews Anadolu Agentliyinə istinadla xəbər verir ki, Türkiyə Ordusu İdlib və Hələb səmasında Suriya Hərbi Hava Qüvvələrinin 3 hərbi təyyarəsini vuraraq salıb.

Suriyanın SANA Agentliyi şimalda azı 2 ədəd Su-24 hərbi təyyarəsinin vuurlduğunu bildirib.

Hər iki təyyarənin pilotları katapult edərək, hökumət qüvvələrinin nəzarətindəki bölgələrə eniş ediblər.

Eyni zamanda Suriya hərbi mənbələri son iki sutka ərzində Türkiyənin 6 ədəd pilotsuz təyyarəsini İdlib və Hələb səmasında vurduqlarını bildiriblər.

Son sutkada Türkiyə Ordusu Hələb və Həma əyalətlərində yerləşən iki hava limanını intensiv şəkildə hədəfə alıb.