Rusiya prezidentinin sözçüsü Dmitri Peskov Türkiyə ilə əməkdaşlığın Suriyada terrorla mübarizə kontekstində Moskva üçün vacib olduğunu söyləyib.

KONKRET.az xəbər verir ki, bu barədə məlumatı TASS agentliyi yayıb.

Peskovun sözlərinə görə, Rusiya tərəfi Soçi razılaşmalarına sadiq qalır.

Mətbuat katibi deyib ki, Moskva Suriyanın öz ərazi bütövlüyünün bərpası üçün terror qruplaşmalarına qarşı mübarizəsini dəstəkləyir.

Kreml nümayəndəsinin vurğuladığı kimi, Rusiya bu məsələdə türklərlə əməkdaşlığa böyük əhəmiyyət verir.

Daha əvvəl məlum olub ki, Türkiyə prezidenti Tayyib Ərdoğan danışıqlar üçün martın 5-də Moskvada Rusiya prezidenti Vladimir Putin ilə görüşəcək.