“Türkiyə artıq Liviyada söz sahibidir. Hakim güc Türkiyədə, onun gördüyü işlərlə öyünməyə dəyər”.

Cebhe.info xəbər verir ki, bunu ABŞ-ın Azərbaycandakı keçmiş səfiri Metyu Brayza, türkiyənin Liviyadakı rolundan bəhs edərkən deyib.

Metyu Brayza ABŞ-da son günlərdə Corc Floydun ölümü ilə bağlı baş verən etirazlara, koronavirusun Amerikaya vurduğu zərərdən də danışıb.

O, baş verən aksiyalarla bağlı “Etirazlar Trampa ciddi bir xəbərdarlıqdır. Floydun öldürülməsindən sonra ortaya çıxan bu dərin duyğular afroamerikalılar üçün bir ədalətsizlik hissini ifadə edir. Pandora qutusu açıldı.

Etirazların koronavirusa baxmayaraq davam etməsi, insanların bu hadisə qarşısındakı hislərinin nə qədər güclü olduğunu göstərir”, -deyib.

Bundan əlavə koronaviruslar əlaqədar ABŞ-ın ən çox zərər çəkməsinə də münasibət bildirən keçmiş səfir, "ABŞ Prezidenti Tramp epidemiyanı səhv qiymətləndirdi. ABŞ-da baş vermiş bu hadisəni idarə etmək üçün liderlik ruhu yoxdur”, - deyə əlavə edib.