Yeni müharibə modeli artıq viruslardır.

Axar.az xəbər verir ki, bu sözləri türkiyəli iqtisadçı və akademik Ramazan Kurtoğlu deyib.

O bildirib ki, ölkələrin kənd təsərrüfatına, xüsusən heyvandarlıq sahələrinə viruslarla hücumlar təşkil ediləcək:

“Bəşəriyyəti çətin günlər gözləyir. Türkiyənin gələcəyi üçün bir qarış da boş yer buraxmayın. Əkin, əkin və əkin! Çünki heyvanlara virusla hücum edəcəklər. Yeni savaş modeli artıq viruslardır. Müzakirənin mənası yoxdur. Viruslardan manipulyasiya üçün istifadə edilir. Əkinçiliyə dəstək lazımdır. 2021-ci il 2020-dən də ağır olacaq. Din, məzhəb, etnik savaşlar - bunlar yüngül formadır. Bəşəriyyət pul və qida üsyanlarına doğru addımlayır”.