Son günlərdə ailəm və övladlarıma alçaqcasına böhtanlar atılır. Biz vəzifə ilə deyil, duruşumuzla, fikirlərimizlə məmləkətə xidmət etməyi güdən insanlarıq.

Axar.az xəbər verir ki, bunu bir müddət öncə Türkiyənin Xəzinədarlıq və Maliyyə naziri postundan istefa verən Barat Albayrağın atası Sadiq Albayraq bildirib.

Oğlunun istefasından sonra ailəsi barəsində "dövlətə xəyanət" kimi iddialar səsləndirildiyini deyən S.Albayraq Prezident Rəcəb Tayyib Ərdoğanın yanında olmağa davam edəcəklərini bəyan edib:

"Nuru-Aynım" dediyim hörmətli Ərdoğanın yanında bir ailə olaraq ölümünə dimdik durmaqdan imtina etməyimiz mümkün deyil".

Qeyd edək ki, B.Albayraq Ərdoğanın kürəkənidir.