Türkiyədən Azərbaycana axın
AVRO-2020-nin Bakıda keçiriləcək oyunları ilə bağlı Türkiyədə təyyarə biletlərinə tələbatın çoxalması qiymət artımına səbəb olub.

Bizim.Media xəbər verir ki, bu barədə Türkiyənin səyahət portallarından verilən açıqlamalardan bəlli olub.

​​​​​​​Xüsusilə Türkiyə-Uels qarşıdurmasının keçiriləcəyi 16 iyun və Türkiyə-İsveçrə oyunun baş tutacağı 20 iyun tarixlərində aviabilet qiymətlərində 2 dəfədən artıq artım olub.

Belə ki, iyun ayı ərzində bir biletin orta qiyməti 850 TL (172 manat) nəzərdə tutulurdusa, hazırda qiymət təqribən 2100 (425 manat) TL-yə çatıb.