Türkiyədə bir müddət əvvəl terror təşkilatı elan edilən “paralel dövlət”-in lideri Fətullah Gülən bu dəfə də Rusiyanın yanında yer alıb.

Avropa.info xəbər verir ki, bir rus qəzetinə müsahibə verən Gülən Türkiyə sərhədini pozan rus təyyarəsinin vurulmasının yanlış olduğunu müdafiə edib.

Türkiyənin ən ağır dövrlərində Türkiyənin maraqlarına qarşı hərəkət edən və qarşı fikirlərin yanında yer almaqla məşhurlaşan Gülən, bu dəfə də Türkiyə-Rusiya arasındakı təyyarə böhranından yararlanaraq Türkiyəyə qarşı Rusiyanın yanında yer alıb.

Rusiyanın “Moskovskiy Komsomolets” qəzetinə müsahibə verən Gülən müsahibəsi zamanı “Gərək Türkiyə rus təyyarəsini vurmayaydı” deyə bildirib.

Təyyarənin vurulmamalı olduğunu bildirərək Türkiyəni ruslara şikayət edən Gülənin rus analitiki professor Vitali Naumkinə verdiyi müsahibəsinin qəzetin sabahkı sayında dərc olunması gözlənilir.

Xatırladaq ki, İsrailin “Mavi Mərmərə” gəmisini vurması zamanı da Gülən Türkiyənin deyil İsrailin yanında yer alaraq Türkiyənin gəmi üçün əvvəlcədən icazə alması lazım olduğunu bildirmişdi.