FaktXeber.com-un verdiyi məlumata görə, İraq Kürdistanı vilayətinin ordu qüvvələri-Peşmərgə türkmənlərə qarşı hücumlara başlayıb.

Peşmərgə qüvvələri aprel ayının 23-dən Səlahiddin vilayətində türkmənlərin kompakt yaşadığı Tuzxurmatu şəhərinə hücumlara başlayıblar. Hücumun səbəbləri hələ ki, dəqiq bəlli deyil.

Türkmənlərdən olan Sərməd Əl-Turkəmani mediaya açıqlamasında bildirib ki, peşmərgə şəhərin Əl-Cəmilə məntəqəsində yaşayan kürdləri Daquq və Kərkük bölgəsinə daşıyıb sonra türkmənlərə hücuma keçib. Onlar türkmənlərin evlərinə zorla soxulub yandırıblar.

Türkmənlər də öz növbəsində kürdlərə qarşı əməliyyat keçirərək, onların 3 komandirini və 12 əsgərini məhv ediblər. İraqın şiə könüllü qüvvələrindən sayılan Əl-Nucəba qvardiyası Bərzaninin özbaşınalıq edən hərbi qanadına ciddi xəbərdarlıq edib. İraqda şilərin ən güclü könüllü dəstəsi sayılan Bədr qvardiyası kürdlərlə danışıqlar apararaq, baş verənlərin tez bir zamanda son qoyulmasını istəyib.