“Biz bu dağıdıcı müharibəni mümkün qədər tez dayandırmaq və diplomatik həllə üstünlük vermək çağırışımızı bir daha təkrar edirik”.

Bizim.Media Anadolu agentliyinə istinadən xəbər verir ki, bu fikirlər rus ordusu tərəfindən Kremençukdakı ticarət mərkəzinin atəşə tutulmasından sonra Türkiyə Xarici İşlər Nazirliyi bəyanatında yer alıb.

Yazılı açıqlamada Kremençukda mülki vətəndaşların olduğu ticarət mərkəzinin raketlərlə atəşə tutulduğu, nəticədə çoxlu sayda insanın öldüyü və yaralandığı böyük kədərlə ifadə edilib.

Bəyanatda vurğulanıb ki, son günlər müxtəlif şəhərlərdə, o cümlədən Ukraynanın paytaxtı Kiyevdə mülki yaşayış məntəqələrini hədəfə alan atəşlər bir daha müharibənin amansız və təcili sülhə ehtiyac olduğunu göstərir.