Birləşmiş Millətlər Təşkilatının (BMT) 77-ci Baş Assambleyasında iştirak etmək üçün Nyu Yorka səfər edən prezident Rəcəb Tayyib Ərdoğan Türk evində təmaslarını davam etdirib. Prezident Ərdoğan FİFA prezidenti Canni İnfantino ilə söhbət edərkən, İsrailin baş naziri Yair Lapidin gəlişi ilə maraqlı dialoqlar yaşanıb. “Fənərbaxça” ilə bağlı yaxşı xatirələrinin olmadığını deyən İsrail baş naziri Lapid “Bizi həmişə məğlub edirdilər”,-deyə zarafatlaşıb.

Qeyd edək ki, BMT Baş Assambleyasının 77-ci sessiyası çərçivəsində Türkiyə Prezidenti Rəcəb Tayyib Ərdoğan İsrailin Baş naziri Yair Lapidlə görüşüb. Görüşdə Türkiyə xarici işlər naziri Mövlud Çavuşoğlu, Milli Kəşfiyyat Təşkilatının sədri Hakan Fidan və Türkiyə Prezidentinin sözçüsü İbrahim Kalın da iştirak edib.