Ötən il Türkiyədə xariclərə on minlərlə mənzil satılılıb – Ruslar ilk pillədədir...
15-02-2023, 00:04
2022-ci ildə Türkiyədə 1,49 milyon ədəd yaşayış məqsədli daşlnmaz əmlak satılıb.
Bu barədə Türkiyə Statistuka İnstitutunun ötən ilin yekunları ilə bağlı hesabatında bildirilir.
Qeyd olunur ki, bunun 4,5%-i və ya 67 490 ədədi xarici vətəndaşlara satılıb. Beləliklə, 2021-ci illə müqayisədə xaricilərin Türkiyədə daşınmaz əmlak əldə etməsi 15,2% artıb.
İqtisadçı İlham Şaban bildirir ki, son 10 ildə xarici vətəndaşların Türkiyədə məhz yaşayış məqsədli daşınmaz əmlaka investisiya etməsi böyük sürətlə artıb.
“Məsələn, 2013-cü ildə xaricilərlə bu seqment üzrə 12 381 müqavilə imzalanıb”, - o əlavə edib.
Ekspert bildirir ki, Türkiyə 2022-ci ildə daşınmaz əmlakın xaricilərə satılmasına görə yalnız Birləşmiş Ərəb Əmirliklərindən geri qalır. Ötən il ərəb ölkəsində 86 187 alqı-satqı müqaviləsi imzalanıb.
Ötən il hansı ölkə vətəndaşlarının Türkiyədə daha çox daşınmaz əmlak almasına gəlincə İ.Şaban bunları deyib: “Rusiya vətəndaşları lider olub - 16 312 mənzil, artım 203%-dir. Bu, ötən il Türkiyədə xarici vətəndaşlara satılan daşlnmaz əmlakın 24,2%-i deməkdir. Sonrakı yerləri İran (8 223 mənzil) və İrak (6 241) vətəndaşları tutub. Ukrayna vətəndaşları isə 2022-ci ildə Türkiyədə 2 574 daşınmaz əmlaka sahib olublar. Bu alqı-satqıda ötən illə müqayisədə müsbət dinamika 106,6%-dir”.
Bəs xarici vətəndaşlar Türkiyənin hansı şəhərlərində daşınmaz almağa maraq göstərirlər?
Ətraflı
Ad - 00:20
Ekspert qeyd edir ki, 2022-ci ilin statistikasına görə, xarici vətəndaşların Türkiyədə əldə etdikləri daşınmaz əmlakın 37%-i İstanbulun payına düşüb:
“İstanbul - 24 953 ədəd;
Antalya - 21 860 ədəd;
Mersin - 4 316 ədəd”.
İqtisadçı bu sahədə maraqlı fakt da açıqlayıb. Onun sözlərinə görə, Türkiyədə xarici vətəndaşların əldə etdikləri daşınmaz əmlakın 30,6%-i qadınların adına rəsmiləşdirilib.
Xatırladaq ki, Türkiyə Respublikasında 1 ilədək verilən “yaşam vizası” almaq üçün dəyəri 75 min dollardan az olmayan daşınmaz əmlak əldə edilməlidir. 6 ay müddətində vətəndaşlıq almaq üşün isə əmlakın qiyməti 400 min dollardan az olmamalıdır.