"Türkiyə Prezident Ərdoğanın liderliyi ilə beynəlxalq gücə çevrilib".

Bu sözləri AK Partiyadan Kayseridən deputatlığa namizədliyi irəli sürülən müdafiə naziri Hulusi Akar ötən gün Kadir Has Mədəniyyət və İncəsənət Mərkəzində keçirilən namizədlərin təqdimat mərasimində deyib.

O bildirib ki, Türkiyəsiz bölgədə heç bir problemin həlli mümkün deyil: "İndi Türkiyənin hər zamankindən daha güclü və böyük olması lazımdır. Güclü və böyük Türkiyə üçün hamımızın daha çox çalışmamız lazımdır"

Bölgədə gedən proseslərdən və terrora qarşı mübarizədən danışan Akar indiyə qədər keçirilən əməliyyatlar barədə detallı izahat verib.

Bu zaman zalda "Vur de, vuraq, öl de, ölək" sloqanlarına cavab verən Akarın sözləri coşqunu artırıb: "Onun da zamanı gələcək, gözləyin. Bu saat əsgərimiz böyük bir uğurla terrorçuların bütün hinlərini, mağaralarını başlarına yıxıb, yıxmaya da davam edir. İnşallah, bu mübarizənin sonunda millətimizi bu terror bəlasından qurtaracağıq, bundan kimsənin şühhəsi olmasın".