“Paralel Quruluş”un ( Dövlət içində dövlət) lideri Fətullah Gülənin Türkiyəyə ekstradisiya üçün ABŞ-a göndəriləcək sənəd artıq hazırlanıb. Axar.az xəbər verir ki, Ankara Cümhuriyyət Prokurorluğu tərəfindən hazırlanan sənəd Ədliyyə Nazirliyinə təqdim edilib.
Məlumata görə, hazırlanan materiallarda Gülənin şəxsiyyəti, törətdiyi cinayətlərin tarixi və yerləri, qanuna zidd əməllərə görə nəzərdə tutulan cəza tədbirləri və həmçinin Pensilvaniya ştatındakı ünvanı göstərilib.
Qeyd edək ki, Gülən “dələduzluq”, “rəsmi sənədlərdə saxtakarlıq”, “böhtan”, “çirkli pulların yuyulması”, “gizli danışıqların dinlənilməsi”, “şəxsi həyata müdaxilə” maddələri ilə təqsirli bilinir.