Rusiya Dövlət İdarəetmə Universitetinin İqtisadiyyat və Maliyyə İnstitutunun direktoru Qalina Sorokina Türkiyənin iyunun 1-dən Rusiya buğdasının idxalını məhdudlaşdırmaq qərarını xarici təzyiqlərlə izah edib.
Bakupost.az "MK"-ya istinadla xəbər verir ki, Sorokina bu qərarın böyük ehtimalla Türkiyənin öz istehsalçılarını qorumaq üçün deyil, Qərb ölkələrinin təzyiqi ilə verildiyini bildirib.
İqtisadçı onu da qeyd edib ki, Misir də son bir ildə Rusiyadan taxıl alışını azaldıb. Amma bununla belə Rusiyadan buğda idxalını artıran ölkələr var. Bunlar Səudiyyə Ərəbistanı, Pakistan, Əlcəzair, Banqladeşdir.