Rusiya lideri Vladimir Putinin Türkiyə Prezidenti Rəcəb Tayyib Ərdoğanla görüşü iyulda Astanada Şanxay Əməkdaşlıq Təşkilatının sammitində baş tuta bilər.
Bunu Vladimir Putin Türkiyənin xarici işlər naziri Hakan Fidanla görüşündə bildirib.

“Sizdən xahiş edirəm ki, Prezident Ərdoğana ən xoş arzularımı çatdırasınız. Ümid edirəm ki, yaxın gələcəkdə – iyulun 3-ü və ya 4-ü, beynəlxalq tədbir çərçivəsində Astanada olacaq. Onunla görüşmək və bütün cari məsələləri müzakirə etmək imkanımız olacaq”, – Putin qeyd edib.
TASS