Türkiyə Suriyada genişmiqyaslı əməliyyata hazırlaşır.

Bu barədə "TASS" "The Wall Street Journal" nəşrinə istinadən məlumat yayıb.

Nəşrin məlumatına görə, Türkiyə Suriya ilə sərhəd bölgəyə qüvvələr toplayır.

Məsələyə münasibət bildirən adı açıqlanmayan amerikalı rəsmi, vəziyyəti diqqətli və təmkinli şəkildə izlədiklərini diqqətə çatdırıb.

Daha əvvəl "The Washington Post" nəşri Bəşər Əsəd rejimi devrildikdən sonra Suriyada hakimiyyətə gələn silahlılarla ABŞ-nin dəstəklədiyi kürd qruplaşmalar arasında vətəndaş müharibəsinin başlama ehtimalının olduğunu yazıb.

Qeyd olunub ki, Türkiyənin vəziyyətə müdaxilə etməsi nəticəsində isə kürd qruplaşmalar geri çəkilməyə məcbur ola bilərlər.

Bunun ABŞ-nin Suriyadakı hərbi mövcudluğu üçün böyük təhdid olduğu bildirilib.

Teleqraf.com