Türkiyə və İspaniyanın Hərbi Hava Qüvvələrinin (HHQ) komandanları Ziya Cemal Kadıoğlu və Fransisko Brako Karbo Türkiyə istehsalı olan HÜRJET təyyarələrində birgə uçuş həyata keçiriblər.

Oxu.Az xəbər verir ki, uçuşun videoyazısı "Turkish Aerospace Industries Inc." şirkətinin sosial şəbəkə hesabında paylaşılıb.

Şirkətin məlumatında deyilir: "İki HÜRJET eyni vaxtda səmada. Hərbi Hava Qüvvələrimizin komandanı general Ziya Cemal Kadıoğlu İspaniya Hərbi Hava Qüvvələrinin komandanı general Fransisko Brako Karbo ilə birgə uçuş həyata keçirdi. Hər yeni uçuşla biz yalnız nəinki hədəflərimizi yüksəldirik, həm də mavi səmada ay-ulduz qanadlarımızla tarix yazırıq".