İstanbulun Küçükçekmece bölgəsində düşmən qruplar arasında toqquşma olub.

Türkiyə mətbuatı xəbər verir ki, hadisə İstanbul Küçükçekmece Kanarya Məhəlləsində baş verib. İddialara görə, avtomobillə gələn 3 nəfər dava-dalaş edən qohumunun dəri sexinə silahla hücum edib. Atışmada qarşı tərəf atəşlə cavab verib. Hücum edənlərdən ikisi avtomobilləri ilə qaçmağa çalışarkən, hücum edənlərdən biri HK (16) yaralanıb.

Xəsarət alan şəxs iki tin geridəki yaşayış binasına qaçıb, daha sonra dayanıb və köməyə çağırıb. Avtomobildə olan digər iki nəfər isə nəqliyyat vasitəsini hadisə yerinə yaxın ərazidə qoyub piyada qaçıblar. Vətəndaşların xəbəri ilə hadisə yerinə polis və tibb qrupları sövq edilib. İlkin tibbi yardımdan sonra həkimlər yaralı H.K-nı təcili tibbi yardım maşını ilə xəstəxanaya çatdırıblar.

Polis qrupları prospektdə təhlükəsizlik tədbirləri alıblar. Daha sonra polis hadisə yerində araşdırma aparıb. Araşdırmanın ardından dəri sexindən atəşə cavab verən 2 nəfər və hücumda yaralanan HK adlı şəxs olmaqla 3 nəfər saxlanılıb.