Afyonkarahisarın Sandıklı rayonunda zarafat zəminində başlayan dava qanla başa çatıb.

32gun.az Türkiyə mətbuatına istinadən xəbər verir ki, Ü.C. ile İ.D. (18) arasında əl zarafat səbəbiylə başladığı iddia edilən mübahisə davaya çevrilib.

Davadan sonra Ü.C hadisə yerini tərk edərək qısa müddət sonra ov tüfəngi ilə geri qayıdıb. Ü.C-nin tüfənglə 3 atəş açması nəticəsində İ.D. və həmin vaxt davanı ayırmağa çalışan H.H.D., O.İ., T.S., H.A. və A.B. bədənlərinin müxtəlif hissələrinə dəyən qranullar nəticəsində xəsarət alıblar.

Ətrafdakıların hadisə barədə xəbər verməsi üzərinə təcili yardımla xəstəxanalara çatdırılan yaralıların vəziyyətinin yaxşı olduğu öyrənilib. Hadisədən sonra Ü.C qaçıb. O, evinin yaxınlığında polis tərəfindən yaxalanıb və hadisə zamanı istifadə etdiyi tüfənglə birlikdə saxlanılıb.

Hadisə ilə bağlı araşdırmalara başlanılıb.