"Türkiyə nazirinin ölkədən deportasiya edilməsi analoqu olmayan bir hadisə idi".

SalamNews-un “Hürriyet”-ə istinadla verdiyi xəbərə görə, bunu Niderlandda martın 15-də keçiriləcək parlament seçkilərində əsas namizədlərdən hesab olunan Liberal Partiyasının (VVD) lideri və Baş nazir Mark Rutte açıqlayıb.

Türkiyə ilə miqrantlarla bağlı əldə edilən razılaşmanın müsbət nəticələrindən danışan Rutte bildirib ki, sərhədlər qaçqınlar üçün tamamilə bağlanmalıdır.

Türkiyə və Niderland arasında yaşanan diplomatik gərginlikdən danışan Rutte qeyd edib: “Nasizm və faşist bənzətmələri qətiyyən qəbul edilə bilməz. Bu sözlərin geri götürülməli olduğunu düşünürük. Vəziyyətin daha da gərginləşməsini istəmirik. Amma türklər vəziyyəti gərginləşdirərsə, cavab vermək məcburiyyətində qalarıq".