Türkiyənin Baş naziri Binəli Yıldırım adları FETÖ ilə hallanan keçmiş futbolçular Hakan Şükür və Arif Ərdəmin klubdan çıxarılmasına münasibət bildirib.

“Hər təşkilatda yalnış insanlar ola bilər. "Qalatasaray" uzun illər bizi qürurlandırıb. Bu səbəbdən buradakı bəzi şəxslərin, bəzi kiçik müxalif qrupların etdiyi səhvləri 100 illik keçmişi olan bir klubun üzərinə yıxmaq haqsızlıq olar”, - deyə Baş nazir qeyd edib.

SalamNews-un “Haber7”-yə istinadla verdiyi xəbərə görə, "Qalatasaray" İdarə Heyətinin dünənki iclasında Hakan Şükür və Arif Ərdəmin klub üzvlüyünə xitam verilib. Bu qərar həm ölkə ictimaiyyəti, həm də siyasi dairələr tərəfindən tənqidlə qarşılanıb.