Türkiyənin Ədirnə əyalətinin Keşan rayonunda əyləncə məkanına silahlı basqın edilib.

Musavat.com-un məlumatına görə, hadisə nəticəsində 1 nəfər ölüb, bir nəfər isə yaralanıb. Silahlı basqın gecə saatlarında meydana gəlib. Məlumata əsasən, 42 yaşlı S.E. şəxsi münaqişə zəmnində Böyük Cami məhəlləsindəki əyləncə məkanına gedərək buranı şərikli işlədən Əmrah və İlhan Ergene qardaşlarını güllələyib.

Nəticələ İlhan Ergene aldığı güllə yarasından həyatını itirib, Emrah Ergene isə ağır yaralanıb. Hadisəni törədən S.E. polislər tərəfindən saxlanılıb. Şübhəlinin də eyni məhəllədə əyləncə məkanı işlətdiyi bildirilir.