Almaniya kansleri Angela Merkel Avropa Parlamentində (AP) ən böyük dəstəyə malik olan Avropa Xalq Partiyasının Maltada keçirilən toplantısında etdiyi çıxışında Avropa Birliyini xarici sərhədlərini və qonşularını kifayət qədər düşünməməkdə qınayıb.
Turkustan.info Türkiyə mediasına istinadla xəbər verir ki, Avropanın Suriya məsələsində insanı məsuliyyət daşıdığını vurğulayan Merkel, “Burada insanı məsuliyyətimiz yoxdur deyəcəyik? Bu, Türkiyənin, İordaniyanın, Livanın məsuliyyətidir deyəcəyik? Reallıq odur ki, qaçqın düşərgələrinin maliyyələşdirilməsi məsələsini görməməzlikdən gəldik” deyib.
Buna görə də agır humanitar vəziyyətin yarandığını bildirən Merkel, bu işdə Türkiyənin fəaliyyətini təqdir edib.
Türkiyənin qaçqınlar məsələsindəki çalışmalarını tərifləyərək, “Bu günlərdə tənqid etsək də Türkiyə, 3 milyon qaçqın üçün çox şey etdi. Avropanın bu məsələdə Türkiyəni dəstəkləməsi lazımdır” ifadəsini söyləyib.